بريوش بالكريم باتيسيير (فيديو)

  • ⴰⵣⵓⵍ
  • برييوش بالكريم باتسيير


    اللهم صّلِ وسَلّمْ عَلۓِ نَبِيْنَامُحَمد ﷺ

    ✿صلوا على الحبيب ﷺ 

    المقادير :

    1. 250 غ طحين
    2. 3 معالق كبارين سكر
    3. 1 ملعقة كبيرة خميرة د الخبز
    4. 1 خميرة د الحلوى
    5. بيضة واحدة
    6. 3 معالق كبارين دانون مسوس
    7. قبصة ملح 
    8. لفاني
    9. حليب دافئ لعجن العجين
    10. 2 معالق كبارين زبدة 
    11. نخلط الطحين والخميرات وسكر والبيضة ودانون وملح ولفاني ونعجنو وادا بقا قاسح بزاف نزيدو شوية د الحليب ونعجنو خصو يكون قاسح شوية حيت عنزيدو الزبدة كيخفاف 
    12. ملي نعجنوه نزيدولو الزبدة ونعجنوه مزيان ادا بقا خفيف بزاف نزيدولو شوية د الطحين 
    13. من بعد نخليواه يخمر ساعة 
    14. ونطلقواه فوق طاولة مرشوشة بالطحين 
    15. ونقطعوه دوائر و نعمرو الدائرة من الوسط صافي بكريم باتسيير ونخليو الحواشي خاويين وندهنوهم بالماء 
    16. من بعد نشقو دائرة اخرى بموس او جرارة البيتزا (فحال الفيديو على قناتنا على يوتيوب ) 
    17. من بعد نعملوها فوق الدائرة الي معمرة بالكريمة ونضغطو عليها بيدنا باش تتسد في دك الحواشي الي مذهونين بالماء وهكدا حتى نكملو الدوائر 
    18. (انا العجين الي جمعتو ملي قطعت منو الدوائر عملت بيه شكل اخور د الكرواصات)
    19. من بعد نخليوهم يخمرو مرة اخرى شي ربع ساعة او عشرين دقيقة 
    20. من بعد ندهنوهم بالبيضة مع شوية دالحليب وندخلوهم الفرن ملي يطيبو ويتحمرو نخرجوهم 
    21. ونخليوهم يبردو 
    22. من بعد نرشوهم بالسكر كلاصي او ندهنوهم بالمربي د الخوخ او العسل 
    23. ونرشو عليهم المكسرات مهرشلة بحال اللوز.

    طريقة تحضير كريم باتسيير:

    1. نصف لترو د الحليب
    2. 3 معالق كبارين سكر او اقل على حسب الذوق 
    3. بيضة واحدة 
    4. 2 معالق كبارين مايزينة
    5. 1 فاني 

    الطريقة :

    1. نخلطو كلشي ونعملوها فوق البوطا مع التحريك المستمر حتى يعقد